“သွေးသစ်လောင်းရမည့် အလှည့်အပြောင်း”

ညီညီထွေး (နယ်သာလန်)

အလှည့်အပြောင်းကာလက အပြောင်းအလဲကို ဖန်တီးပေးတတ်သည်။ သို့သော် အခြေအနေက ပေးအပ်လာ သည့် အပြောင်းအလဲကို လှမ်းဆွတ်ယူဖို့ အဆင်သင့်ဖြစ်မနေခဲ့ဘူးဆိုရင်တော့ ရခဲ လှသည့် မဟာအခွင့်အလမ်း များကို လက်လွှတ်ဆုံးရှုံးသွားရမည်မှာ သေချာနေပေသည်။
ထိုကဲ့သို့ အပြောင်းအလဲများနှင့် လမ်းလွဲခဲ့ရသည့် အဖြစ်အပျက်များကို ခေတ်သစ်မြန်မာ့နိုင်ငံရေး သမိုင်းစာ မျက်နှာများပေါ်တွင် အထင်အရှားတွေ့ မြင်နေရ သည်။ ကျောင်းသားများ၏ ဦးဆောင်မှုနှင့် လူထု တရပ်လုံး ပူးပေါင်းပါဝင် လက်တွဲဆင်နွဲခဲ့ကြခြင်းကြောင့် ရှစ်ဆယ့်ရှစ် လူထုအရေးတော်ပုံကြီးက မဆလပါတီ၏ အုပ်ချူပ်ရေး ယန္တရားကြီးတခုလုံးကို ရပ်တန့် ပစ်နိုင်ခဲ့ သည်။ 
သို့သော် ထိုကာလ၌ ဒီမိုကရေစီစနစ်ကို အသက်သွင်းလိုသည့် အတိုက်အခံ နိုင်ငံရေးသမားသည်ကြား ဖြတ်အစိုးရဖွဲ့ စည်းပြီး တိုင်းပြည်အား ထိန်းချူပ်ထားနိုင်ရန် အဆင်သင့်ဖြစ်မနေခဲ့ကြပါ။
ထိုမှတဖန် ၉၀-ခု ရွေး ကောက်ပွဲက ဒီမိုကရက်တစ်နိုင်ငံရေးအင်အားစုများကို တိုင်းပြည်အားဒီမိုကရေစီစနစ်ဆီသို့ ချီတက်သွားနိုင်သည့် မဟာအခွင့်အရေး လမ်းကြောင်းကြီးတခု ခင်းချပေးခဲ့သည်။ 
သို့သော် ဤ တကြိမ်၌လည်း အတိုက်အခံ နိုင်ငံရေးသမားများသည် ဒီမိုကရက်တစ်အစိုးရဖွဲ့စည်းရန် အဆင်သင့်ဖြစ်မနေခဲ့ကြပါ။ 
ဤသို့ဖြင့် အားလုံး သိရှိ ထားကြသည့်အတိုင်း မြန်မာ့ဒီမိုကရေစီ တော်လှန် ရေးကြီးသည် အောင်မြင်မှုကင်းမဲ့စွာ နှစ် ၂၀ သက်တမ်း ကာလကို ကျော်လွန်ဖြတ်သန်းခဲ့ရပြီး တဘက်တွင် အကြွင်းမဲ့စစ်အာဏာရှင်စနစ်သည် သက်ဆိုးရှည်သထက် ရှည်လာနေပေသည်။

ဤကဲ့သို့နှစ် ၂၀ ပြည့်လွန်ကာလတွင် နိုင်ငံရေးသုံးသပ်သူများက အတိုက်အခံအဖွဲ့အစည်း များကြားတွင် ညီညွတ်ရေး ကင်းမဲ့သောကြောင့် ယခုလို မြန်မာနိုင်ငံ၌ လက်တဆုပ်စာစစ်ဝါဒီများ သက်ဆိုးရှည်နေရသည်ဟု ဝေဖန်ရေးသား လာကြသည်။ 

အကယ်၍ ဒီမိုကရေစီအင်အားစုများ ညီညွတ်နေလျှင် နအဖစစ်အုပ်စုကို အောင်မြင်စွာဖြုတ်ချနိုင်ပြီး လူထုတရပ်လုံးလိုလားသည့် ဒီမိုကရေစီစနစ်သို့ အမြန်ဆုံး အသွင်ကူးပြောင်းနိုင်မည်ဟု မှတ်ယူထားကြသောကြောင့် ဖြစ်သည်။ အပြင်ပန်းအားဖြင့် ကြည့်လျှင် ဤကဲ့သို့ ထင်မြင်ယူဆချက်သည် လူတိုင်း လက်ခံနိုင်ဖွယ်ရှိသော်လည်း အနှစ်သာရအားဖြင့်တော့ ယေဘုယျဆန်လွန်းသည်ဟု ပြောရပေမည်။ တကယ်တမ်း နိုင်ငံရေးဖြစ်စဉ်အား ခွဲခြမ်းစိတ်ဖြာ ကြည့်မည်ဆိုလျှင် ညီညွတ်ရေးသည် မြန်မာပြည်ဒီမိုကရေစီ ဖြစ်ထွန်းမှုအတွက် အဓိကလိုအင်မဟုတ်ပဲ ဒီမိုကရက်တစ် နိုင်ငံရေးသမားများ၏ အနာဂတ်ကို အမြင်ကျယ်ကျယ် လှမ်းကြည့်နိုင်မှု ကင်းမဲ့နေခြင်းနှင့် မဟာဗျူဟာပိုင်းဆိုင်ရာအရရော နည်းဗျူဟာ ပိုင်းဆိုင်ရာအရပါ အဆင်သင့် ဖြစ်မနေခြင်းကသာချို့ ယွင်းချက်ဖြစ်နေသည်ဟု ယူဆရပေမည်။

လူမျိုးပေါင်းစုံပါဝင်သည့် မြန်မာ့လူထုသည် နိုင်ငံရေးနိုးကြားမှုမြင့်မားပြီး ညီညွတ်မှုကို အမြဲတမ်း ထုတ်ဖော်ပြသနေခဲ့ကြသည်။ 

ရှစ်ဆယ့်ရှစ်လူထုအရေးတော်ပုံကြီး၊ ၉၀-ခု ရွေးကောက်ပွဲရလဒ် နှင့် ၂၀၀၇ ခု စက်တင်ဘာ ရွှေဝါရောင်တော်လှန်ရေးများသည် လူထု၏စည်းလုံးညီညွတ်ခြင်းများမှ မွေးထုတ်ပေးခဲ့သည့် တန်ဖိုး မဖြတ်နိုင်သည့် နိုင်ငံရေး အသီးအပွင့်များဖြစ်သည်။

လူထု၏ အရေးကြုံလျှင်သက်လုံကောင်းသည့် နိုင်ငံရေး စိတ်ဓါတ်နှင့် ဒီမိုကရေစီလိုလားသည့် ဆန္ဒများကို အမြဲတမ်းထင်ရှားစွာတွေ့ မြင်နေရသည်မှာ ခိုင်မာသည့် သွေးစည်းခြင်းနှင့် လူမှုရင်းမြစ်များ (Strong Solidarity and Social capital) ရှိနေခြင်းကြောင့်သာ ဖြစ်သည် ဟု သုံးသပ်လျှင် ငြင်ဖွယ်ရာမရှိဟုထင်သည်။ 

အတိုက်အခံပါတီအဖွဲ့ အစည်းများကို လေ့လာကြည့်လျှင်လည်း အားလုံးတညီတညွတ်တည်းလက်ခံကျင့်သုံးသည့် ဒီမိုကရေစီရရှိရေးမူဝါဒကို တွေ့ ရပေမည်။ 

ထို့  ကြောင့် ညီညွတ်ရေးနိုးဆော်သံသည် အပေါ်ယံနားထောင်၍ကောင်းသော စကားလုံးမျှသာဖြစ် နေပြီး နိုင်ငံရေး ပြဿနာအား လက်တွေ့ ကျကျ လမ်းပြဖြေရှင်းပေးနိုင်မည့် အဖြေကောင်းတခုဖြစ် မလာနိုင်ဟု ထင်သည်။ 

တကယ်တမ်းတွင် မြန်မာ့ဒီမိုကရေစီတပ်ဦးကို ဦးဆောင်နေကြသူများ၌ ကြည်လင်ပြတ်သားသည့် လားရာ အမြင် (Clear and determined vision) မရှိခြင်းကြောင့် ဖြစ်ပေါ်လာရသည့် စုပေါင်းဦးဆောင်မှု ကင်းမဲ့နေခြင်းသည်သာ အဓိကအားနည်းချက်ဖြစ်လာခဲ့ပြီး ဒီမိုကရေစီတော်လှန်ရေး အထမြောက် အောင်မြင်နိုင်မည့် လူထု၏ စိတ်ဓါတ်ခွန်အားနှင့် အသက်စွန့် ကြိုးပမ်းလှုပ်ရှားမှုများကို အလဟဿ ဖြုန်းတီးပစ်နေခဲ့သည်ဟု ပြောရပေမည်။

၁၉ ရာစု ဂျာမန်ဒဿနပညာရှင် ဟေဂေလ် (Hegel) က “နိုင်ငံရေးတွင် ထာဝရမိတ်ဆွေ၊ ထာဝရ ရန်သူမရှိ၊ ထာဝရ အကျိုးစီးပွါးသာ ရှိသည်” ဟု ဆိုခဲ့ဖူးသည်။ 

ဤအတွေးအခေါ်နှင့် ဆင်တူသော ထာဝရအကျိုးစီးပွါးကို လက်ကိုင်ထားပြီး ဦးတည်သွားလိုသည့် အမျိုးသားရင်ကြားစေ့ရေးနှင့် တွေ့  ဆုံဆွေးနွေးရေးသည် မြန်မာနိုင်ငံရေးဖြစ်စဉ်ကို ဆယ်စုနှစ် (၂) စု နီးပါးခန့် ဖုံးလွှမ်းထားနေခဲ့သည်။

သို့ သော် နိုင်ငံရေးခရီးအား အတူလက်တွဲသွား လိုသည့်အမြင်သည် အသုံးဝင်နိုင်ပေမယ့် မြန်မာပြည်အတွက် အသုံးမတည့်သည့် ဖလော် တခုဖြစ်နေကြောင်းကို အချိန်ကာလများက သက်သေပြ ခဲ့သည်။

နိုင်ငံရေးအမြင်မရှိသော နအဖစစ်အုပ်စုက ထာဝရ အကျိုးစီးပွါးဆီအရောက် လှမ်းနိုင်ဖွယ် ရှိသည့် အမျိုးသားရင်ကြားစေ့ရေးကို သူတို့၏ အကျိုးစီးပွါးအား ခွဲဝေပေးရမည့် ခြိမ်းခြောက်မှု တခုအဖြစ် ရှုမြင်နေမည်မှာ သေချာသည်။

နားလည်မှုလွဲခဲ့ဟန်ရှိသည့် နောက်အချက်တခုကတော့ နိုင်ငံရေးနှင့် နိုင်ငံရေးစနစ်ကို ရောထွေးပြီး ချဉ်းကပ်ခဲ့ခြင်းပင် ဖြစ်သည်ဟု ပြောချင်သည်။ ကမ္ဘာ့ သမိုင်းစာမျက်နှာများပေါ်၌ နိုင်ငံရေးစနစ်တွင် အမြဲတမ်းရန်သူရှိကြောင်းကို ခိုင်ခိုင်မာမာ မှတ်တမ်း တင်ထားသည်။ ပဒေသရာဇ်၊ ဖက်ဆစ်နှင့် ကွန်မြူနစ်စနစ်တို့ သည် လစ်ဘရယ်ဒီမိုကရေစီစနစ် အတွက် အမြဲတမ်းရန်သူဖြစ်နေခဲ့ကြပြီး ထိုစနစ်များ ပြိုလဲကျရှုံးချူပ်ငြိမ်းသွားခဲ့ခြင်းကြောင့်သာ ကမ္ဘာပေါ်၌ ဒီမိုကရေစီနိုင်ငံရေးစနစ် ကျယ်ပြန့်  စွာထွန်းကားလာခဲ့ရခြင်းဖြစ်သည်။

ထို့ အပြင် ကမ္ဘာ့လူ့ သမိုင်းတွင် ပေါ်ထွန်းခဲ့သော ဘယ်စစ်အာဏာရှင်မှ တွေ့ ဆုံဆွေးနွေးခြင်းဖြင့် နိုင်ငံရေး အာဏာအား အလွယ်တကူလက်လျှော့အရှုံးပေးသွားခဲ့ခြင်း မရှိကြောင်းကို လေ့လာတွေ့ ရှိုရ သည်။ 

ထို့ ကြောင့် မြန်မာနိုင်ငံ၌ စစ်စနစ်နှင့် ဒီမိုကရေစီစနစ်ကို ဆက်စပ်ပြီး ရင်ကြားစေ့ဆွေးနွေး လိုခြင်းသည် မှားယွင်းသည့်လားရာအမြင် (wrong vision) တခုဖြစ်နေရုံသာမက မအောင်မြင် သည့်မဟာဗျူဟာ (failed strategy) တခုလည်းဖြစ်သည်ဟု ကောက်ချက်ချသုံးသပ်နိုင်မည် ထင်သည်။

တဘက်တွင် အားလုံးသိရှိထားကြသည့်အတိုင်း နာဂစ်ဆိုင်ကလုန်းမုန်တိုင်းတိုက်ခတ်ခံရခြင်း ကြောင့် သိန်းချီသေဆုံးပြီး သန်းချီသော ပြည်သူလူထုများ အတိဒုက္ခရောက်ကာ ကယ်သူမဲ့ နေသည့်ကြားမှ အတုအယောင်ဆန္ဒခံယူပွဲကိုကျင်းပ၍ နအဖစစ်အုပ်စု၏ဖွဲ့ စည်းအုပ်ချူပ်ပုံ အခြေခံဥပဒေအား မေလ ၂၉ ရက် ၂၀၀၈ ခုနှစ်တွင် အတည်ပြုခဲ့ကြသည်။ 

စစ်အာဏာရှင် စနစ်ဆိုးအား ဆွဲဆန့်  သွားနိုင်ရေးကို အဓိကရည်မှန်းသည့် ဤဖွဲ့ စည်းပုံအား အတည်ပြု လိုက်ခြင်းသည် ရာစုတ၀က်ကြာ ပြည်တွင်းစစ်နှင့် နိုင်ငံရေးပြဿနာများကြောင့် အမှောင်အတိ ဖုံးလွှမ်းခံနေရသည့် တိုင်းပြည်အား ထပ်မံ၍အနက်ရောင်ချယ်သလိုက်ခြင်းသာ ဖြစ်သည်။ တနည်းပြောရသော် အမှောင်ထဲ၌ အမှောင်ကို ထွန်းညှိခြင်းသာဖြစ်ပြီး အလင်းကိုရှာဖွေခြင်း မဟုတ်ပါ။ အမျိုးသားလွှတ်တော်နှင့် ပြည်သူ့လွှတ်တော်တွင် လူထုဆန္ဒမဲတပြားမှ မပါပဲ အခွင့်ထူးခံအမတ်များအဖြစ် နေရာယူထားကြမည့် စစ်ဗိုလ်များကသာကြီးစိုးချယ်လှယ်ခွင့်ကို အပြည့်အ၀ပေးထားသည့် ထိုဖွဲ့  စည်းပုံသည် ဒီမိုကရေစီ၏အခြေခံအနှစ်သာရနှင့်လုံးဝဆန့် ကျင် နေသည်မှာ အထူးပြောစရာမလိုတော့ပေ။ 

ထို့ ကြောင့် ထိုဖွဲ့ စည်းပုံအား အသက်သွင်းကျင့် သုံးလာမည့် အစိုးရကိုလည်း အရပ်သားအစိုးရဟု ခေါ်ဆိုနိုင်မည် မဟုတ်ပါ။ 

စင်စစ်အားဖြင့်
လက်ရှိစစ်စနစ်အား ပုံစံတမျိုးဖြင့် မွမ်းမံချယ်သထားသည့် ပုံစံသစ်တခုသာ ဖြစ်သည်။ 

ထိုဖွဲ့  စည်းပုံအရ လွှတ်တော်များတွင် လူထုသဘောထားနှင့်ထပ်တူကျသော ဥပဒေပြုနိုင်မှုများ ကင်းမဲ့လာနိုင်သလို ဖွဲ့စည်းပုံပါ ပုဒ်မများအား ပြင်ဆင်ရေးဆွဲ ပြဌါန်းပိုင်ခွင့်ကိုလည်း တင်းကျပ်စွာ ထိန်းချူပ်ထားသည်ကို တွေ့ ရသည်။

ပွင့်လင်းစွာ ပြောရလျှင် လက်ရှိမြန်မာပြည်၏အခြေအနေသည် ဓားပြဂိုဏ်းကြီးတခုက ရွာတရွာ အား ၀င်စီးထားသည့် အနေအထားမျိုးဖြစ်နေသည်။ 

မုဒိမ်းကျင့်၊ လူသတ်တတ်ပြီး နိုင်ငံရေး စီးပွါးရေးအမြင်လုံးဝမရှိသည့် နအဖစစ်အုပ်စုက ချူပ်ကိုင်ထားသော တပ်မတော်ဟု ခေါ်တွင်နေ သည့် ဒီနေ့ ကာလဗမာစစ်တပ်သည် အပြင်ပန်းအားဖြင့်သာ နိုင်ငံတနိုင်ငံ၏ စစ်တပ်အဖြစ်သတ် မှတ်၍ ရနိုင်သော်လည်း အနှစ်သာရအားဖြင့်တော့ ခိုးဆိုးလုယက် လူသတ်ခြင်းများကို လက်ရဲ ဇက်ရဲကျူးလွန်တတ်သော ဓားပြဂိုဏ်းအဆင့်သာသာ ရှိတော့သည်ဟု ပြောရပေမည်။

ထိုသို့ ဓားပြများ၏၀င်စီးခြင်းကို ခံထားရသည့် တိုင်းပြည်တွင် တွေ့ဆုံဆွေးနွေးပြီးငြိမ်းချမ်းသောနည်းဖြင့် နိုင်ငံရေးအသွင်ကူးပြောင်းရေးသည် မှားယွင်းသောအဖြေရှာမှုတခုဖြစ်နေမည်ဟု ထင်သည်။

ရှေ့ မတိုးနောက်မဆုတ်သာသည့်အခြေအနေဖြင့် မြန်မာ့နိုင်ငံရေးအကျပ်အတည်းကြီး နှစ်ပေါင်း (၂၀) လွန်လာခဲ့သည့် ဒီနေ့ ကာလသည် အလှည့်အပြောင်းအချိုးအကွေ့ တနေရာသို့ ရောက်ရှိလာနေသည် ဟု ပြောရပေမည်။

အခုလို အလှည့်အပြောင်းကို လက်ဦးမှုရယူသည့်အနေဖြင့် နအဖစစ်အုပ်စုက ၄င်းတို့၏ စစ်စနစ်ကို ပုံစံတမျိုးဖန်တီးပြီး အသွင်ပြောင်းဖို့ ကြိုးစားလာနေသည်။

တချိန်တည်းတွင် ပြည်တွင်းပြည်ပရှိ အတိုက်အခံ အင်အားစုများအတွက်လည်း မဟာဗျူဟာ နည်းဗျူဟာနှင့် နိုင်ငံရေးမျိုးဆက်ပါ လူစားလဲသွေးသစ်လောင်းပြီး သမိုင်းဆိုင်ရာအဆုံးအဖြတ် ပေးရမည့် အချိန်ကာလတခုသို့  ဆိုက်ရောက်လာနေသည်ဟု ထင်သည်။ 

ယေဘုယျဝါဒီများ၏ ခံစားမှုအဓိကပဓါန၀ါဒကို ကိုင်စွဲပြီး ဒီမိုကရေစီအိပ်မက်ကို အကောင်အထည်ဖော်ဖို့  ကြိုးစား နေခြင်းထက် လူထုအခြေပြုဗဟုဝါဒဖြင့် နိုင်ငံရေးအပြောင်းအလဲကို ဖန်တီးဖို့  ရေရှည်စီမံကိန်း ချနိုင်သူများကိုသာ မြန်မာ့လူ့ ဘောင်က လိုလားနေသည်ဟု ယူဆမိသည်။

သေချာနေသည်မှာ လာမည့် နှစ်ကာလများတွင် လူမှုစီးပွါးအကျပ်အတည်းများ (Socio-economic Crises) ကြောင့် လူထုပေါက်ကွဲမှုများ အချိန်မရွေးဖြစ်ပေါ်လာနိုင်ပြီး စစ်အုပ်စု၏အုပ်ချူပ်ရေး ယန္တရားအား ရပ်တန့် ပစ်နိုင်လောက်သည့် လူထုသပိတ်များလည်း ဖြစ်ပေါ်လာနိုင်သည်။ 

သို့ကြောင့် နောက်ပြန်လှည့်ပြီး အတိတ်၏အောင်ပွဲကို တသသဖြင့် လွတ်သောငါး ကြီးနေခြင်းထက် ဂိမ်းအသစ်ကစားရမည့် ယခုလိုအနာဂတ် စိန်ခေါ်ပွဲတွင် လူဟောင်းများဖြင့် အကြိမ်ကြိမ်ရှုံးနိမ့်ခဲ့ရ သော ယှဉ်ပြိုင်မှုကို စွန့်လွှတ်၍ သွေးသစ်လောင်းလူသစ်လဲခြင်းဖြင့်သာ အလှည့်အပြောင်းက ပေးသော အပြောင်းအလဲရလဒ်ကောင်းကို ရယူနိုင်မည်ဟု ယုံကြည်မိပါတော့သည်။ ။ ။ 

ရခိုင်အမျိုးသားသတင်းစာဆိုဒ်မှ ကူယူထားပါသည်။