ကဗျာနန့် ကာရံ

ကဗျာနန့် ကာရံအကြောင်းကို ရီးချင်နီစွာ ကြာပါဗျာလ်။ 

ကဗျာရီးနည်းအားလုံးကိုမသိစွာက တကြောင်း၊ ပညာသျှင်တိရီးကတ်ဖို့စွာကို
စောင့်နီစွာကတစ်ကြောင်းကြောင့် မရီးဖြစ်ခပါ။

အကျွန်အဓိက နားလည်ထားစွာက လေးလုံးစပ်ကဗျာနန့် သံပေါက် ကဗျာအမျိုးအစားတိ
ဖြစ်ကေလေ့ အဂုအရီးကတ်များစွာက လေးလုံးစပ်ကဗျာ အမျိုးအစားတိဖြစ်တေအတွက်နန့် လေးလုံးစပ်ကဗျာ အကြောင်းကို တီးမိခေါက်မိ
တင်ပြလိုက်ပါရေ။ 

ကာရံဆိုစွာ အသံထပ်တူကျစွာကို ပြောခြင်းဖြစ်ပါရေ။
          က ကပင် အ  အထိကို  အ ကာရံလို့ခေါ်ပါရေ။
          ကာ  ကပင်   အာ အထိ အာကာရံလို့ခေါ်ပါရေ။
          ကား  ကပင်  အား အထိ အားကာရံလို့ခေါ်ပါရေ။
          ယင်းပိုင် ကိ ကပင် အိ အထိ အိကာရံ၊ ကီ ကပင် အီ အထိ အီ ကာရံ ၊ ကီး ကပင် အီး အထိ အီးကာရံ စသည်ဖြင့် အစဉ်လိုက်
ခေါ်ကတ်ပါရေ။ လေးလုံးစပ်ကဗျာကို အများအားဖြင့် လေးသုံးနှစ် ကာရံယူစနစ်နန့် ရီးကတ်ပါရေ။
          အမျိုးသီလ        နှစ်ဌာနကို
          ၁  ၂  ၃  ၄         ၁ ၂  ၃ ၄
          ပြည့်ဝမဏ္ဍိုင်  စောင့်စွမ်းနိုင်သည့်
           ၁  ၂ ၃  ၄        ၁  ၂    ၃    ၄
          ရက္ခိုင်နာမ    ဘွဲ့မည်လှဖြင့်..........
           ၁  ၂  ၃ ၄      ၁  ၂  ၃  ၄
           အေကဗျာမာ အမျိုးသီလထဲက 'လ'  နှစ်ဌာနကိုထဲက 'န' ပြည့်ဝမဏ္ဍိုင်ထဲက 'ဝ' ရို့စွာ အ ကာရံဖြစ်ပါရေ။ လေးသုံးနှစ် ကာရံယူ
ထားစွာဖြစ်ပါရေ။

ပြည့်ဝမဏ္ဍိုင်ထဲက '    ဍ္ဍိုင်   '   စောင့်စွမ်းနိုင်သည့်ထဲက ' နိုင်'  ရက္ခိုင်နာမထဲက ' ခိုင်' ရို့စွာ ကာရံတိ(လေးသုံးနှစ်) ဖြစ်ပါ
ရေ။ လေးလုံးစပ်ကဗျာကို လေးသုံးနှစ် ကာရံယူပနာရီးကတ်တေပိုင် တခါတရီ လေးတစ်လေးတစ်ကာရံယူပနာလေ့ ရီးကတ်ပါရေ။
           ကျွန်းတွင်ဇမ္ဗူ     လူတွင်ရခိုင်
              ၁  ၂   ၃ ၄       ၁ ၂  ၃ ၄
           ကြိုင်သည့်သတင်း   ကင်းသည့်အပြစ်
              ၁    ၂   ၃    ၄       ၁     ၂   ၃ ၄
            ချစ်သည့်အမျိုး        ကြိုးသည့်လုံ့လ
             ၁   ၂   ၃  ၄            ၁     ၂   ၃ 4
             မြတ်စာဂကို          နှစ်ဝနတ်လူ
              ၁   ၂  3 ၄           ၁ 2  ၃   ၄
            ချစ်ကြည်ဖြူသည်   နိဗ္ဗ္ဗူဆုတောင်း
              ၁   ၂   ၃     ၄      ၁   ၂  ၃   4
             ကောင်း ၏တည်း။ ။
                  1    ၂    ၃
 အထက်ကကဗျာ၏ အစပိုင်းမာ လေးတစ်လေးတစ်ကာရံယူထားပြီးကေ နောက်ပိုင်းမာ လေးသုံးနှစ်ကာရံနန့် ရီးဖွဲ့ထားစွာဖြစ်ပါရေ။
ဗူ နန့် လူ က အူကာရံ၊ ခိုင် နန့် ကြိုင် က အိုင်ကာရံ၊ တင်း နန့် ကင်း က အင်းကာရံ၊ပြစ် နန့် ချစ် က အစ်ကာရံ၊ မျိုး နန့် ကြိုး က အိုးကာရံ
အစဟိရေ ကာရံတိကို လေးတစ်လေးတစ်ယူထားပနာ  ( လ၊ဂ၊ဝ )နန့် (လူ၊ဖြူ၊ဗူ) ရို့ရေ လေးသုံးနှစ်ကာရံယူထားစွာဖြစ်ပါရေ။
           ကဗျာရီးသူတချို့ရေ ကာရံအကြောင်းကိုမသိဘဲ လေးလုံးစပ်ကဗျာရီးကတ်တေအတွက်နန့် ကာရံလွတ်နီစွာတိကို မကြာမကြာ
တွိရပါရေ။

အများအားဖြင့် ပထမလေးလုံးနန့် ဒုတိယလေးလုံးကာရံမိပနာ ဒုတိယလေးလုံးနန့် တတိယလေးလုံးကို ကာရံမပါဘဲနန့်
ရီးဖွဲ့ကတ်ပါရေ။
            ရိုးမတောင်ညို    အရိပ်ခို၍
            ရခိုင်ပြည်ကြီး     အလွန်အီးချမ်း
            သမိုင်းစဉ်လာ  ဝင့်ထည်စွာဖြင့်
            ကိုယ့်တိုင်းကိုယ့်မြီ  စိုးစံလီခ
            သာလီစွလေ   သာလီစွ။ ။
          အေကဗျာရေ အကျွန့်အသိတစ်ယောက်ရီးရေကဗျာအပိုင်းအစတစ်ခုပါ။

အေကဗျာမာ ရိုးမတောင်ညိုထဲက( ညို) နန့် အရိပ်ခို၍ထဲက(ခို) စွာ ကာရံတိဖြစ်ပြီးကေ အရိပ်ခို၍  နန့် ရခိုင်ပြည်ကြီးစွာ လုံးဝကာရံလွတ်နီပါရေ။

ရခိုင်ပြည်ကြီးထဲက (ကြီး) နန့်
အလွန်အီးချမ်းထဲက (အီး) စွာ ကာရံမိပြီးကေ အလွန်အီးချမ်းနန့် သမိုင်းစဉ်လာ ကျခါ ကာရံလွတ်နီပါရေ။အေပိုင်ဖြစ်နီစွာရေ ကဗျာဆရာ
၏ ကာရံ မနိုင်နင်းမှုကြောင့် ဖြစ်ပါရေ

။အေပိုင်ကဗျာတိကို ရခိုင်မဂ္ဂဇင်းစာအုပ်တိမာ လုံးဝ(လုံးဝ) မတွိရပါ။

ဘလော့ဂ်တိမာရာ မကန်
မကန်တွိရပါရေ။
         ' ကာရံမညီကေ ကဗျာမဟုတ်လား' လို့ မီးချင်လေ့ မီးနိုင်ပါရေ။လေးလုံးစပ်ကဗျာမာ  ကာရံညီမှ ကဗျာမည်ပါရေ။

မော်ဒန်ကဗျာမာ
တော့ခါ ကာရံမပါလေ့ ရရေလို့ဆိုကတ်ပါယင့်။ 

ဇာပိုင်ပင်ဖြစ်ဖြစ် ကဗျာဆိုစွာ ကာရံပါမှ ဖတ်လို့ကောင်းပါရေ။AMP က ကဗျာတိထဲက
ကိုခိုင်မြသိန်း နန့် မြောက်ဦးကဘလူးရို့ ကဗျာတိစွာလွတ်လပ်ကာရံကဗျာအမျိုးအစားတိဖြစ်ပါရေ။ 

ကာရံကို ထားချင်နီရာမာထားပြီးကေ
ရီးသားရေကဗျာမျိုးဖြစ်ပါရေ။

အေဂုခေတ် ရခိုင်ကဗျာလောကမာ အေပိုင်ကဗျာတိခေတ်စားပါရေ။

ကဗျာရီးသူက ကာရံကိုထားချင်ရေနီရာ
မာထားလို့ရရေပိုင်  ဖတ်တေလူကလေ့ ဖတ်လို့ကောင်းပါရေ။
          အေဂုခေတ်မာ မော်ဒန်ကဗျာဆိုစွာ ကာရံမဲ့ကဗျာဖြစ်တေလို့  အော်နီကတ်ကေလေ့ နာမည်ကြီးရေ ရခိုင်မော်ဒန်ကဗျာတိမာ
ကာရံပါပါရေ။
            အိမ်လှည်းတံတစ်ချောင်းနန့်

            ကောင်းခင်ကြီးကိုလှည်းကျင်း

            မိုက်တွင်းနက်ပစ်လိုက်ကတ်မေ

            ခြီမဦးမာသွီးအလူးလူး

            ကြည်နူးဖို့ကောင်းမေ သေချာရေ။

  အေကဗျာထဲက ကာရံတိကို ကိုယ့်စွာကိုကိုယ်ရှာကြည့်ကတ်ပါလီ။    ။
                                                                          ခိုင်မင်းဇံ(ရခိုင်ပြည်)
မှတ်ချက်။  ။ကာရံအကြောင်းကို နားမလည်ရေလူတိအတွက်ရာဖြစ်ပါရေ။

ရခိုင်သမီးပျိုဆိုဒ်မှ ကူယူထားပါသည်။