ရခိုင်နိုင်ငံရီးနင့် ပါတ်သက်၍ ထုတ်ပြန်ခြင်း

သို့ 
ဥက္ကဌ
အတွင်းရီးမှူး
ဝန်ကြီးများ နှင့် လွှတ်တေ်ာကိုယ်စားလှယ်များ
အဖွဲ့ ဝင်များ

အကြောင်းအရာ ။        ။   ရခိုင်တိုင်းရင်းသားတိုးတက်ရီး

ပါတီက ကျောက်တော်မြို့ မှာ-ALD- အဖွဲ့ ဝင်တိ လှုပ်ရှားစော်နင့် ပါတ်သက်လို့ 
                      (၁ ) ဒေကိစ္စနင့် ပါတ်သက်၍ ကျွန်တော်က ကြီညာချက်ကို လက်ခံ ရဟိခပါရေ ။ ယင်းစာနင့် ပါတ်သက်လို့  လေးဝတီဝပ်ဆိုက်မှာ ကျွန်တော်၏ အမြင်တိကိုပါ ထည့်ပနာ တင်ထားခပါရေ ။ ယင်းချင့်မှာ ဒေပိုင်ရာ -ALD-က လူတိက နွားတိပိုင်ရာ လုပ်ကတ်ကေ ရခိုင်ပြည်ကို ကုလားတိက မျိုလားလီဖို့ ပိုင်ဖြိုက်တေ လို့  ရီးခစော်ပါဒေ။ 

ယင်းပိုင်ရီးစော်က အသိညဏ် မဟိကေ ရခိုင်သားတိမှာ စကားပြောကေ နွားပိုင်ကာရာ လို့  ပြောရေအတွက် ရီးခစော် ဖြိုက်ပါယင့် ။  

ကုလားတိက လွှတ်တော်ကိုယ်စားလှယ်တိ ဖြိုက်လို့  ၀န်ကြီးတိဖြိုက်လို့  ရခိုင်သားတိက ကုလားဘားမှာ တပည့်ဖြိုက်လီဗျန် ဆိုပနာ ရီးလို့  တင်လိုက်မိစော်ပါ  ။

ယင်းချင့်ကို မလေးရှားက မျိုးခိုင် ( myokhaing1146@gmail.com )  မလေးရှားနိုင်ငံ -ရခိုင်ဒီမိုကရေစီအဖွဲ့ ချုပ်( ပြည်ပ) ဒု-အတွင်းရီးမှူးက ကျွန်တော့်အား ယင်းပိုင်ရီးစော် မကောင်းကြောင်းနင့် ပုဂ္ဂိုလ်ရီးတိကိုပါ တိုက်ခိုက်လာစော်ဖြိုက်ပါရေ ။

ပုဂ္ဂိုလ်ရီးတိုက်ခိုက်စော်မှာ နိုင်ငံရီးကို ဇါလုပ်ခလေ၊ အမေရိကန်ကို ရောက်လားစော် ဒုက္ခသည်အယောင်ဆောင်လို့  ရောက်လားစော်- မိုးသီးဇွန်ဘလော့တိမှာ ဆောင်းပါးရီးနီစော်တိ အခြား ဘလော့တိမှာ ရီးနီစော်တိ ။

ယူတူးမှာ တင်ပနာ ရခိုင်နိုင်ငံရီးနင့် ပတ်သက်လို့  ပြောနီစော်တိကို အလကား လီသက်သက် အာနီရေ ဆိုဗြီးကေ အားမနာပ ၀ီဖန်တိုက်ခိုက်လာစော် ပါရာ ယေ ။
                   ( ၂ )  ဒေကိစ္စနင့် ပါတ်သက်လို့  ကျွန်တော်က နိုင်ငံရီးနင့် ပါတ်သက်လို့  ဇါတခုချေလောက် လုပ်ခလေ ဆိုပနာ ပြောလာရေအခါ ဂွကျနီပါဗျန်ကာ ။

ကျွှန်တော်က နိုင်ငံရီးဆောင်းပါးတိ ရီးရေအခါ ကျွှန်တော်၏ ဘ၀ဖြတ်သန်းမှူ နိုင်ငံရီးလှုပ်ရှားမှုတိကို အခြီခံပနာ သမိုင်းဖြိုက်ရပ်မှန်တိကို တလုံးမချန် လူတိသိအောင် ရီးစော်တိ အများကြီး ဟိပါရေ ။

၁၉၆ရ- ခုနှစ် သြဂုတ်လ-၁၃-ရက် ဆန်ပြသနာနိ - သမိုင်းဖြိုက်ရပ်မှန်ကို ရီးသားထုတ်ဝီထားစော်တိကို လူတိုင်း ဖတ်ဖူးကတ်ပါရေ ။ 

ယင်းအချိန်က ကျွန်တော်၏ အသက်မှာ-၁ရ- နှစ်ခန့်  ဟိဗြီးကေ -ဆန်ပြသနာဖြီရှင်းပါ- ရခိုင့်အရီးတော်ပုံ အောင်ရမည် ဆိုရေ -ဆိုင်းဘုတ်ပိုစတာ ကို ကျွှန်တော့်အိပ်ခန်းထဲမှာ ကျွန်တော်ရီးလို့  ဆန္ဒပြခစော်ပါရာဒေ။ 

ယင်းနိကစလို့  အခုအချိန်ထိ ရခိုင်နိုင်ငံရီးလောကမှာ ထဲထဲဝင်ဝင် လှုပ်ရှားနီစော်ကို ရခိုင်သားတိုင်းမက အခြားလူမျိုးတိကပါ သိကတ်ပါယင့် ။

ဒေနိအချိန်ထိ ရခိုင်နိုင်ငံရီးနင့် ပတ်သက်လို့  ရေဒီိယုအသံလွှင့်ဋ္ဌါနက လွှင့်နီစော်ပါရာ ဒေ ။
                 ( ၃ ) ကျွန်တော်၏ နိုင်ငံရီးလှုပ်ရှားခရေ အချိန်က လူ့ လောကကို မရောက်လာသိရေ -အခုခေတ်  မျိုးဆက်သစ်ကလေချေတိက ယင်းသူရို့  မမွီးခင်ကပင် နိုင်ငံရီးလှုပ်ရှားလာသူဖြိုက်တေ ကျွန်တော့်ကို ရခိုင်နိုင်ငံရီးနင့် ပါတ်သက်လို့  ဇါလုပ်ခလေလို့  လာပနာ-မီးခွန်း ထုတ်နီကေ တခုကိုလေး မပြောပြချင်ပါဗျန် ။

ယေဇူးနင့် ကျွန်တော့်မှာ စိတ်ပျက်လာပနာ အခြားရခိုင်နိုင်ငံရီးစာပီ တိကို ရီးသားဖို့  စိတ်ကုန်လားရပါဗျန် ။
                 ( ၄ )  ရခိုင်နိုင်ငံရီးလောကနင့် ပတ်သက်၍၄င်း၊ ရခိုင်လူမျိုးအရီးနင့် ပတ်သက်၍၄င်း၊ ရခိုင်နိုင်ငံတော်နင့် ပတ်သက်၍၄င်း ၊ ရခိုင်တော်လှန်ရီးလောကနင့် ပတ်သက်၍၄င်း ၊ ဇါအဖွဲ့ အစီးကိုလေး တိုက်တွန်း နိုးဆော်ခြင်း မလုပ်ပိုင်ဗျန် ဇါတခုချေကိုလေး အကြံပီးခြင်းနင့် ဇါတခုကိုလေး ပူးပေါင်းလုပ်ဆောင်ဖို့ မလုပ်ပါဗျန် ။ 

ကျွန်တော်က အရီးကြီးရေလို့  ထင်မြင်မှ လုပ်ကိုင်လားဖို့ စော်ကို စိုင်းစားဆုံးဖြတ်ချက် ချထားလိုက်ပါဗျန်။

တချိန်တည်းမှာပင် ရခိုင်နိုင်ငံရီးအတွက် အကျိုးဟိရေလို့  ထင်ရရေ ဆောင်းပါး၊ ကဗျာ ။

စာညွန့် နင့် ရေဒီယိုအသံလွှင့်ဆောင်းပါးတိကိုလေးသော့ လုံးဝရီးသားခြင်းမပြုဗျန်ဆိုစော်ကိုလေး အသိပီးအပ်လိုက်ပါရေ ။
                ( ၅ ) အထူးအရီးကြီးစော်က ရခိုင်ပြည်မှာ ရခိုင်သားပါတီ တခုတည်း ဟိရဖို့  စော်နင့် ကုလားတိကို ရခိုင်ပြည်မှာ နိုင်ငံရီးလောကမှာ နီရာမရအောင် လုပ်ဖို့ စော်ကိုတော့ နောက်ဆုံးအနီနင့် တိုက်တွန်းယင်း ရခိုင်နိုင်ငံရီးလောကက လုံးဝဥသုံထွက်လားဗျန် ဆိုစော် အကြောင်း အသိပီးကြီညာလိုက်ပါရေ ။

ခိုင်အောင်ကျော် ( နယူေးယာက်)
အမေရိကပြည်ထောင်စု

 

မှတ်ချက်။ ။

     သူငယ်ချင်တစ်ယောက်၏ Forward  Email မှ ကူးယူဖော်ပြပါသည်။